ILOILO CITY — Yara na sa tagsa nila ka pamilya ang mga bangkay sang anum ka pasahero nga sakay sa Cessna plane nga nagtibusok sa Isabela sang Enero.
Ginapahayag nga sang gindala sang Philippine Air Force sa Cauayan City gikan sa wreckage site sa Sierra Madre ang mga bangkay, gindiretso ang mga ini sa punerarya kag gin-turn over sa ila tagsa ka pamilya.
Samtang, ang piloto naman ang ipaidalum sa autopsy santu sa pagsulundan sang CAAP.
Pagkatapos, iga-cremate ini kag dal-on sang iya asawa sa Nueva Ecija.
Emosyonal naman ang tagsa ka pamilya kag nagpamalibad nga magpa-interview sa media.
Nagpadulong naman sa Divilacan ang mga tiglawas gikan sa Civil Aviation Authority of the Philippines (CAAP) agud imbestigaran ang gintunaan sang plane crash.
Madumduman nga nadula sang Enero 24 ang Cessna C206 plane RPC 1174 nga may sakay nga anum ka mga tawo matapos nga nagbiya sa Cauayan Airport kag padulong kuntani sa banwa sang Maconacon.
Nakit-an lamang ang aircraft sang Marso 9 sa Barangay Ditarum, Divilacan, Isabela.
