Bangko Sentral ng Pilipinas, ginpat-od nga indi matabu sa Pilipinas ang pagsirado sang mga bangko sa Amerika

ILOILO CITY- Ginpat-od sang Bangko Sentral ng Pilipinas (BSP) nga indi matabu sa Pilipinas ang natabu sa Amerika kon sa diin pila ka mga bangko ang nagsira.

Suno sa BSP nga nagapabilin nga mabakod ang banking system sa pungsod.

Ginpamilit sang BSP nga natilawan na ang kapag-on sang banking system sa pungsod sadtong kahimurusgan sang pandemya.

Wala man sila sang nakita nga patimaan nga nagapameligro ang banking system sang pungsod.

Suno pa sa BSP nga madasig man nga naaktuhan sang banking supervisory authorities kon may aberya sa pila ka mga bangko.