Tuesday, January 31, 2023

Bantag, naghambal na, Remulla ginaparesign bilang DOJ Secretary

- Advertisement -

ILOILO CITY- Naghambal na karon si Suspended Bureau of Corrections Chief Gerald Bantag angut sa kaso nga pagpatay sa broadcaster nga si Percy Lapid kag sa gina-alegar middleman nga si Jun Villamor.

Kadungan sini, ginhangkat ni Bantag si Justice Secretary Jose Crispin Remulla nga magresign na sa puwesto bangud wala na ini sang kredibilidad kag ginalabugay lamang ang imbestigasyon sa pagpatay sa broadcaster.

Ini ang una nga tion nga naghambal si Bantag matapos ginkasuhan ini sang murder upod sa iban pa bangud sa pagpatay kay Lapid kag sa inmate nga gina-alegar middleman sa plano nga pagpatay nga si Villamor.

- Advertisement -

Suno kay Bantag nga ginagamit lamang ni Remulla ang isyu sang pagpatay kay Lapid agud matabunan ang drug case sang iya bata nga si Juanito Remulla III nga naaresto kag nakuhaan sang P1.3 million nga balor sang kush ukon high grade marijuana.

Gin-akusahan dugang ni Bantag si Remulla nga may political plans sa 2025 kag ginagamit ang Department of Justice para sa exposure.

Ginpanginwala man ni Bantag nga  naakig siya kay Lapid bangud sa likom nga pagkuha sang videos sa iya propedad sa Laguna kag wala siya nagapati nga si Lapid ang nagkuha sang videos kundi mga tawo nga konektado kay Remulla.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,340SubscribersSubscribe

Latest Articles