ILOILO CITY- Patay ang barangay kapitan kag ang iya asawa matapos ginluthang sang motorcycle-riding suspects sa national highway sa Asturias, Cebu.
Ginpahayag nga sakay sa motorsilo si Maguiao Barangay Captain Mario Delfin Tundag kag ang iya asawa nga si Edna sang gintiro sila sang duha ka suspek nga nagasakay man sa motorsiklo.
Suno sa mga pulis nga ginasundan na sang wala makilala nga mga suspek ang mag-asawa kag ginluthang sang makakuha sang tsansa sa Barangay Poblacion
Sandig sa report sang Asturias Police nga papuli na sa ila lugar sa Manguiao ang mag-asawa gikan sa banwa sang Balamban sang matabu ang pagpangluthang.
Matapos matumba ang mga biktima, gilayon nga nag-U turn ang mga suspek kag nagpalagyo pabalik sa banwa sang Balamban.
Dugang pa sang mga pulis nga posible may kaangtanan sa politika ang insidente apang nagapangita pa sila sang iban pa nga anggulo.
