BFAR, handa nga mag-kooperar sa Ombudsman tuhoy sa pag-ban sang imported pink salmon kag pampano sa mga wet markets

Handa ang Bureau of Fisheries and Aquatic Resources (BFAR) nga mag-kooperar sa imbestigasyon sang Office of the Ombudsman tuhoy sa delayed implementation sang Fisheries Administrative Order (FAO) No. 195, ukon ang Rules and Regulations Governing Importation of Fresh/Chilled/Frozen and Fishery Aquatic Products.

Suno kay Nazario Briguera, chief of information and fisherfolk coordination unit sang BFAR, nga maga-sumiter sila sang statements agud athagon ang implementasyon.

Ginhatagan-pagtamud man ni Briguera nga madugay na gina-implementar ang mando apang subong lamang sila nag-istrikto bangud apektado na ang palangabuhian sang mga lokal nga mangingisda sa imported nga sahi sang isda.

Nadumduman nga ginhatagan sang Ombudsman ang BFAR sang tatlo ka adlaw para maghatag sang paathag tuhoy sa pagban nila sang pink salmon kag pampano sa mga merkado.