IOILO CITY- Nagpirma sang kasugtanan ang Bureau of Fisheries and Aquatic Resources ukon BFAR kag Canned Sardines Association of the Philippines ukon CSAP agud ipasiguro ang sige-sige nga supply sa sardinas sa palaabuton nga closed season.
Ang pagpirma sa memorandum of agreement ukon MOA ang resulta sang rekomendasyon sang nagkalain-lain nga stakeholders sang sardine industry nga makig-angut gid lamang sa pinili nga mga registered nga mga grupo sang mga mangingisda agud masustener ang supply sang sardinas.
Nahibaluan nga sa pag-umpisa sang close season sa Nobyembre, pagadumilian a ang pagpangdakop sang sardines ukon tuloy, herrings (tabagak) kag mackerel sa sulod sang conservation areas,
Umpisa sa Nobyembre 1, dumilian na ang pagpangdakop sang nasambit nga mga isda sa Visayan Sea, sa Nobyembre 15 sa Palawan sea kag sa Disyembre 1 sa Zamboanga peninsula.
