ILOILO CITY- Ginalauman nga pagasug-alawon sang big time oil price rollback ang mga motorista sa masunod nga semana.
Base sa local oil industry sources nga santu sa oil trading sa nakaligad nga apat ka adlaw, ang presyo sang diesel mahimo maganubo sang P3.70 tubtub P3.90 kada litro.
Samtang ang gasolina, posible maganubo ang presyo sang P1.10 tubtub P1.30 kada litro.
Ginpahayag ni Department of Energy-Oil Industry Management Bureau Asst. Director Rodela Romero nga base sa four-day oil trading, may ginalauman nga pagnubo sa presyo sang tanan nga produktong petrolyo.
Suno pa kay Romero nga mahimo pa magbag-o ang balor sang price adjustments depende sa resulta sang trading subong nga Biyernes.
Masami nga ginapatuman ang price adjustments tagsa ka Martes nga adlaw.
