ILOILO CITY — Ginpahayag ni Interior Secretary Eduardo Año nga iga-turn over na ang rehabilitasyon sang Boracay Island sa local government unit kadungan sang pag-expire sang inter-agency task force sa Hunyo 30.
Suno kay Año, halos tapos na ang tanan nga rehabilitation projects sa isla magluwas lang sa pila ka mga nauntat bangud sa COVID-19 pandemic.
Dugang pa sini nga pwede sa gihapon ma-take over sang national government ang rehabilitasyon sang Boracay kun ang masunod nga presidente ang maga-issue sang order sa pagtukod liwat sang bag-o nga task force sa idalom sang bag-o nga administrasyon.
Madumduman nga sang Setyembre 2021, nagpagwa si Presidente Rodrigo Duterte sang Executive Order (EO) 147 nga nagapalawig sang termino sang BIATF tubtob Hunyo 30, 2022.
Nahibaluan nga sang 2018 paagi sa EO 53, gintukod ang BIATF agud mag-facilitate sang rehabilitasyon kag magpasiguro sang ecological sustainability sang isla sang Boracay
