Sunday, December 4, 2022

BUCOR Chief Gerald Bantag, ginpaidalum sa preventive suspension kasunod sang kamatayon sa sulod sang bilibid ang ginapahayag middleman sa pagpapatay kay Percy Lapid

- Advertisement -

ILOILO CITY- Ginmandu ni Presidente Ferdinand “Bongbong” Marcos Jr. ang pagsuspend kay Bureau of Corrections Director General Gerald Bantag matapos mapatay sa sulod sang New Bilibid Prison ang preso nga si Jun Villamor nga ginapahayag kahimbon sa pagpatay sa broadcaster nga si Percival Mabasa alyas Percy Lapid.

Suno kay Justice Secretary Jesus Crispin Remulla nga ang preventive suspension kay Bantag nagatuyo nga mahatagan ligwa ang impartial investigation sa kamatayon sang ginatudlo middleman sa pagpatay kay Lapid.

Kahapon ginpahayag ni Remulla nga napatay ang nasambit na middleman sang Oktubre 18, ang adlaw nga ginpresentar man sa media ang nagsungka nga gunman nga si Joel Escorial kon sa diin gintuad sini nga halin sa sulod sang Bilibid ang mga mandu nga patyon si Percy Lapid kabaylo sang P550,000 pesos nga gintunga-tunga nila sang iya mga kaupod sa paghimo sang krime.

- Advertisement -

Sa pagsuspend kay Bantag, ginpahamtang si anay AFP Chief of Staff  Gregorio Catapang Jr. bilang OIC sang Bureau of Corrections.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles