ILOILO CITY- Ginbuksan na sang Social Security System ukon SSS ang aplikasyon para sa calamity assistance sang mga miyembro kag pensioners sini nga nahalitan sang bagyo Paeng.
Suno kay SSS President kag Chief Executive Officer Michael Regino nga ang SSS Calamity Assistance Package ang ginalakipan sang Calamity Loan Assistance Program ukon CLAP para sa mga miyembro kag Three-Month Advance Pension naman para sa SSS kag Employees Compensation pensioners.
Ang mga miyembro kag pensioenrs nga naga-estar sa mga lugar na ginpaidalum sa State of Calamity kasubog sang Calabarzon, Bicol Region, Western Visayas kag BARRM ang mahimo makakuha sang financial assistance.
Sa idalum sang CLAP, ang mga kuwalipikado nga SSS members nga apektado ni Paeng ang may loanable amount nga katumbas sang isa nila ka bulan nga salary credit nga tubtub sa P20,000 kag mahimo bayarana sa sulod sang duha ka tuig nga may 10% nga annual interest rate.
Gin-anunsyo man ni Region nga may tubtub Enero 6, 2023 ang mga SSS members kag pensioners nga naapektuhan naman sang Supertyphoon Karding agud maka-avail sang calamity loan kag tatlo ka bulan nga advance pension.
