ILOILO CITY- Nagpasalig si Canadian Prime Minister Justin Trudeau nga buligan ang mga Filipino Micro, Small and Medium Enterprises ukon MSME’s nga mapasanyog ang ila Negosyo.
Sa iya bilateral talk upod kay Presidente Ferdinand “Bongbong” Marcos Jr. sa sidelines sang ASEAN Summit, ginpahayag ni Trudeau nga luyag niya ang mapag-on nga partnership sa Pilipinas aggud mangin mahapos para sa Canadian infrastructure builders nga makakuha sang proyekto sa pungsod.
Suno kay Trudeau nga madamo sang programa ang Canada kag malipay ang ila gobyerno nga mag-ugyon sa Pilipinas para sa kaayuhan sang ekonomiya.
Sa iya bahin, gin-abi-abi naman ni Marcos ang tanyag ni Trudeau sa pagsiling nga isa sa mga prioridad sang ya administrasyon amo ang pagbulig sa MSME’s nga makabangon gikan sa epekto sang COVID-19 pandemic.
