ILOILO CITY — Mas gusto sang mga Pinoy nga makabaton sang regalo nga cash subong nga Paskwa.
Sa ginpatigayon nga Veritas Truth Survey (VTS) sang Nobyembre 1-30, ginpamangkot ang 1,200 respondents nationwide sang “Ikaw, anong regalo ang gusto mong matanggap ngayong Christmas?.”
Sa survey, naggwa nga 38% sang mga Pinoy ang luyag makabaton sang “Gift in Cash” (GC) nga regalo.
32% naman ang luyag sang “Gift in Kind”, 22% ang naghambal nga cash ukon kind nga regalo samtang 8% naman ang undecided.
Suno kay VTS head Bro. Clifford Sorita, 39% sang babayi nga respondents ang luyag nga makabaton sang cash gifts samtang 37% naman ang mga lalaki.
Sa mga edad 13-20, 58% ang luyag sang Gift in Kind, 17% ang Gift in Cash, 17% ang pwede ang cash ukon in-kind, kag 8% ang undecided.
Sa edad 21-39, 53% ang gusto sang cash nga regalo, 25% Gift in Kind, 15% ang pwede ang cash ukon in-kind, kag 7% ang undecided.
Sa mga adults nga 40-60 years old, 35% gusto sang gift in Cash, 27% cash kag in-kind kag 3% undecided.
Sa Elderly respondents nga 61-anyos pasaka, 34% ang may gusto sang Cash, 31% Gift in Kind, 23% pwede ang cash ukon kind kag 12% undecided.
