CHED 6, nagpanugyan sa mga pamunuan sang buluthuan nga i-akomodar lang ang masarangan nga numero sang mga estudyante

Ginapahanumdom sang Commission on Higher Education (CHED 6) sa mga buluthuan ilabi na sa mga ginakulang sang mga manunudlo nga batunon lang ang mga numero sang enrollees nga masarangan lamang.

Sa interview sang Radyo Bandera Iloilo kay CHED 6 Regional Director Dr. Raul Alvarez Jr., iya ginpahayag nga liwat liwat nila ginapanugyan sa mga pamunuan sang unibersidad nga ikonsedera ang ila tagsa ka ‘carrying capacity’.

Dugang pa ni Alvarez, nagtaas na sa karon nga tuig ang numero sang mga enrollees.

Ginapabilin naman nila ang desisyon sa pamunuan sang buluthuan, nag natuhoy sa mga proseso sang pagpasulod sang mga estudyante sa eskwelahan lakip na ang mga admission test kag pila ka mga examinations.