ILOILO CITY- Natalana nga magabisita sa Kalayaan Islands sa Palawan sa Enero 14 ang Commission on Elections ukon COMELEC sa tuyo nga madugangan ang voter registration sa lugar suno kay Comelec Chairman George Garcia.
Magluwas sa Kalayaan, tuyo man sang Comelec nga magbisita sa iban nga mga malayo nga isla kasubong sang Batanes kag Tawi-Tawi.
Ginpaathag ni Garcia nga ang tikang ila himuon agud ipabatyag sa mga tawo sa nasambit nga malayo nga mga lugar ang ila importansya.
Suno sa iya nga symbolic ini sa bahin sang Commission nga pamatud-an nga makarehistro sila sang tanan nga Pilipino bisan diin man nga bahin sang pungsod bisan pa yara ang mga ini sa Kalayaan island.
Ginpahayag ni Garcia nga magagamit sila sang eroplano sang Philippine Airforce sa pagkadto sa Kalayaan kag naga-coordinate na sila sa mga otoridad nga magabulig sa ila sa nasambit nga pagbisita.
Ang Register Anywhere Project nag-umpisa sang Disyembre 17 2022 kag magatapos sa Enero 25, 2023
