Friday, October 7, 2022

Comelec, magasugod na sa pag-imprinta sang balota para sa BSKE sa Lunes

- Advertisement -

ILOILO CITY — Magasugod na sa pag-imprinta sang official ballots para sa December 2022 barangay kag Sangguniang Kabataan elections (BSKE) ang Commission on Elections (Comelec) sa Lunes, Setyembre 19.

Suno kay Comelec chairperson George Garcia, ang monthlong schedule para sa printing job ang natalana nga matapos sa Oktubre 20, apang pending pa ang desisyon angot sa ginaduso nga pagpaiway sa BSKE.

Una na nga ginpahayag ni Comelec acting spokesperson John Rex Laudiangco nga ang supplies para sa 2022 BSKE ang indi mauyang pananglitan nga ma-postpone ang eleksyon, bangud nga pwede man ini matago sang talatapan kag gamiton sat ion nga madayon na ang piniliay.

- Advertisement -

Madumduman nga sang Miyerkules, nakakuha na sang sponsorship halin sa Chamber ang Senate bill nga nagatuyo nga ma-postpone ang BSKE sa ikaduha nga Lunes sa Disyembre 2023.

Gin-aprubahan man sang Kongreso sa second reading sang Martes ang counterpart sini nga hagna nga nagatuyo nga mapaiway ang BSKE sang isa ka tuig.

Apang, padayon naman nga ginapunto ni Garcia nga magakinahanglan sang mas dako nga pondo ang Comelec kun liwat nga madelay ang BSKE, bangud nga sa proposed 2023 budget sang ahensya, wala diri madala ang pondo para sa extra expenses tuga sang postponement.

- Advertisement -

Una na nga ginpahayag ni Garcia nga magakinahanglan sang P10 billion kun mapostpone ang BSKE sa Mayo 2023, kag P17 billion naman kun sa Disyembre 2023.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,030SubscribersSubscribe

Latest Articles