Monday, August 8, 2022

COMELEC, naga-apelar sa Kongreso nga magpasar sang layi nga i-exempt sa tax ang honoraria sang mga manunudlo nga magaserber sa eleksyon

- Advertisement -

Naga-apelar ang Commission on Election sa Kongreso nga magpasar sang layi nga i-exempt sa tax ang honoraria sang mga manunudlo nga magaserbe sa sini nga eleksyon.

Suno kay COMELEC Commissioner George Garcia, nagsulat na sila sang makaduha ka beses sa Bureau of Internal Revenue (BIR) nga kakson ang 20% tax sa honorarium.

Ginpahayag ni Garcia nga ini ang isa lamang ka honoraria kag indi sweldo.

- Advertisement -

Suno sa iya, ginpataasan nila sang ₱2,000 ang honoraria, apang sa tion nga buhinan sang 20%, ang ginpataas nila ang katumbas man sa igabuhin sa tax sang mga manunudlo.

Samtang, kun madumduman sa gin-patigayon nga hearing sang Senate Committee on Ways and Means, wala ginsuportahan sang BIR kag Department of Finance (DOF) ang proposed tax exemption, sa diin ila gin-cite ang provisions sang Tax Code kag TRAIN Law.

Bangud sini, padayon nga nagapanawagan si Garcia sa Kongreso kag Senado nga mag-ugyon agud makahimo sang resolusyon nga ma-grant ang nasambit nga tax exemption para sa mga manunudlo nga magaserbe sa adlaw sang eleksyon.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles