Gin-pagwa na sang Commission on Elections ang separate opinion ni Commissioner Rowena Guanzon nga nagboto-pabor sa disqualification case batok kay Presidential aspirant Bongbong Marcos para sa 2022 presidential race bangud sa “moral turpitude”.
Sa 24-pages sang separate opinion ni Guanzon, nakasaad diri nga wala nagfile sang income tax returns si Marcos sadtong tuig 1982 tubtob 1985.
Gin-athag man sini nga si Marcos ang wala na sentensyahan sang final judgment sa penalidad nga imprisonment sa sulod sang masobra 18 ka bulan kag indi man perpetually disqualified sa pag-padalagan sa public office.
Dugang man sini nga ang desisyon sang Court of Appeal’s ang wala na implementar sa diin 3 ka tuig nga imprisonment ang penalidad batok kay Marcos bangud sa conviction nga ginrender sang Quezon City Regional trial Court sa bayolasyon sa Section 45, kag 50 sang 1977 National Internal Revenue Code, kag wala man na impose suno kay Guanzon ang penalty nga perpetual disqualification batok kay Marcos.
Wala naman nakapangita sang iban nga legal basis ang COMELEC para tugutan ang imposition.
