ILOILO CITY- Gin-aprobahan sang Kamara de Representantes sa ikatlo kag katapusan na pagbasa ang House Bill 7352 nga nagaduso sa pag-porma sang Constitutional Convention (con-con) agud amyendahan ang 1987 constitution.
Nakakuha ang hagna sang 301 ka “yes” votes kag 7 ka “no” votes samtang wala naman sang may nag-abstain sang ginhimo ang binotohay.
Nasaad man sa hagna nga hatagan sang P10,000 nga kompensasyon ang tagsa ka delegado sa kada adlaw nga present sa proceedings.
Pagabug-usan ang delegasyon sang 316 ka mga miyembro kon sa diin 80% diri ang pagapilion gikan sa congressional districts samtang 20% naman ang iga-appoint sang presidente.
Ang term of office sang Con-con delegates magasugod sa Disyembre 1 subong nga tuig tubtub Hunyo 30, 2024.
Ang tagsa ka delegado ang entitled man sa traveling kag lodging allowance.
Sa idalum sang hagna, magaumpisa ang con-con session sa Disyembre 1 subong nga tuig sa alas 10 sang aga sa House session hall
