Confirmation ni Tulfo bilang DSWD secretary, ginpaiway sang CA

ILOILO CITY- Ginpaiway ang Confirmation ni Erwin Tulfo bilang Secretary sang Department of Social Welfare and Development ukon DSWD subong nga Martes matapos ginkuwestyon ang iya libel conviction kag citizenship.

Gindala ni SAGIP Representative Rodante Marcoleta ang report nga ginhanda sang Commission on Appointments nga nagapakita ng ana-convict si Tulfo sa kaso nga libel sa Pasay City court nga gin-ako man sini.

Magluwas diri, gindala man sang mga katapo sang CA panel ang pagsulod ni Tulfo sa United States Army sa sulod sang  pila ka tuig humalin sang 1988.

Bangud sini, ginduso ni Camarines Sur 2^nd District Congresman Luis Raymund Villafuerte nga ipaiway ang deliberasyon sa confirmation ni Tulfo.