Congestion rate sa BJMP, nagdangat sa 370 %

Nagdangat na sa 370 percent ang congestion rate sa Bureau of Jail Management and Penology facilities, suno kay BJMP Spokesperson Jail Chief Inspector Jayrex Bustinera.

Ginpahayag ni Bustinera nga mas manubo ang narekord sa karon nga 370 percent kumpara sa 600 percent congestion rate sang tuig 2018.

Sang Hulyo 2022, ginpahayag ni Interior and Local Government Secretary Benhur Abalos Jr. nga ang congestion rate sa BJMP any yara sa 387 percent, as of June 2022.

Ginpaathag man ni Bustinera nga ginatinguhaan sa karon sang ahensya ang mas madako nga pasilidad kag pagpalapad sini pinaagi sa paralegal assistance kag good conduct time allowance (GCTA).