Congressman Arnie Teves, malabo nga makapakita sa Lunes nga gintalana sang kamara nga deadline suno sa iya abogado

ILOILO CITY- Imposible nga makapakita si Negros Oriental 3^rd District Congressman Arnolfo Teves Jr. sa Lunes nga amo ang deadline nga gintalana sang House of Representatives sa pagbalik sa trabaho suno sa iya abogado.

Suno kay Atty. Ferdinand Topacio nga nakabaton sila sang mensahe nga dapat magpakita si Teves sa Opisina sang House Officer sa Marso 20 kag magpaathag sang iya absences apesar nga wala sang travel authority.

Suno kay Topacio nga ginpanugyanan niya si Teves nga atubangon ang mga kaso apang sa karon, ang legal team ang magarepresentar sa iya.

Dugang pa ni Topacio mas pakamaayuhon ni Teves nga atubangon ang administrative sanctions sang House committee on Ethics and Privileges angut sa iya padayon nga pag-absent sa trabaho sang sa mag-atubang sa pamahog sa iya kabuhi.