ILOILO CITY- Indi ideya ni Presidente Ferdinand Marcos Jr. ang ginaduso nga Maharlika Wealth Fund (MWF) sa Kamara.
Ini ang gin-athag sang Kongresista bilang pagdepensa sa desisyon sang Kamara nga iduso ang pagpabakod sa Philippine sovereign wealth fund ilabi na ang ginaproponer nga P275 Billion nga Maharlika wealth fund.
Sa pagkamatuod, ginpahayag sang presidential son, una na nga ginduso ang kaangay nga hagna sa mga nakaligad nga mga administrasyon.
Si Sandro kaupod ang iya tiyo nga si Speaker Martin Romualdez ang main author sang House Bill 6398 ukon ang Sovereign Wealth Fund Bill.
Ginpahayag sang kongresista nga nasuwertehan lang nga bag-o lang nag-umpisa ang bag-o nga administrasyon kag may anum ka tuig agud mag-file sang hagna agud mapabakod sa termino ni Presidente Marcos Jr.
