Tuesday, January 31, 2023

COVID-19, wala na sa listahan sang top 10 nga kabangdanan sang kamatayon sa pilipinas

- Advertisement -

ILOILO CITY- Wala na nalakip ang COVID-19 sa listahan sang Top 10 nga kabangdanan sang kamatayon sa pungsod.

Base ini sa report sang Philippine Statistics Authority ukon PSA nga nagasakop sa una nga siyam ka bulan sang 2022.

Sandig sa record, ang COVID-19 nga nangin ikatlo nga makamamatay nga balatian sa Pilipinas sang 2021  ang nahulog sa ika-11 nga lugar nga may kabug-usan nga 13,883 nga nagkalamatay humalin sang Enero tubtub Setyembre 2022.

- Advertisement -

Ini nagatiglawas sang 3.3% sang kabug-usan nga numero sang mga napatay sa nasambit nga period suno sa PSA.

Sa data sang PSA, nagapakita nga ang nagapanguna sa gihapon nga balatian nga kabangdanan sang kamatayon sa Pilipinas amo ang ischemic heart diseases nga may 77,173 ka mga nagkalamatay sa una nga 9 ka bulan sang tuig 2022 nga nagarepresentar sang 18.5% sang kabug-usan nga numero sang mga napatay sa amo nga period.

Dugang pa sang PSA nga ang iban pa nga balatian nga yara sa top 10 amo ang diabetes mellitus, hypertensive diseases, pneumonia, other heart diseases, chronic lower respiratory diseases, diseases of the genitourinary system kag tuberculosis.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,340SubscribersSubscribe

Latest Articles