DA, wala sang plano nga mag-import sang mga sibuyas apisar nagtaas ang presyo sa ₱500 kada kilo

Wala ginakonsidera sang Department of Agriculture (DA) ang pag-import sang sibuyas bangud sa ginalauman nga harvest sa masunod nga mga binulan, apisar nga ang sa karon nga presyo ang mas nagdoble sa suggested retail price.

Suno kay DA Deputy Spokesperson Rex Estoperez, nagdangat na sa ₱520 kada kilo ang presyo sang sibuyas sa pila ka mga merkado sa Metro Manila, apang ang presyo sa farmgate nagadangat sa ₱300 kada kilo.

Sa pagmonitor sang DA sa presyo sang lokal nga pula nga sibuyas sa merkado sa Metro Manila, kapin ₱500 ang kada kilo samtang wala naman sang stock sang local white onion kag imported varieties.

Ini ang mas gindoble sa presyo nga ₱170 kada kilo nga SRP sang Oktubre.