Sunday, December 4, 2022

DBM, ginpaguwa na ang P11.5 billion nga one COVID-19 allowance para sa mga health care workers

- Advertisement -

ILOILO CITY-Gin-aprobahan sang Department of Budget and Management ukon DBM ang pagpaguwa sang P11.5 billion  para sa One COVID-19 Allowance ukon Health Emergency Allowance (HEA) claims sang masobra 1.6 million nga kuwalipikado nga public kag private health care kag non-health care workers.

Sakop sang Special Alotment Release Order ukon SARO ang wala napondohan nga OCA/HEA claims sang mga heath care kag non-health care workers para sa Enero tubtub Hunyo 2022.

Ginpahayag ni DBM Secretary Amenah Pangandaman nga nagakadapat lamang nga suportahan kag buligan sang gobyerno ang mga health care workers bangud ginbutang nila sa peligro ang ila kabuhi sa tunga sang nagaluntad gihapon nga pandemya.

- Advertisement -

Una nan ga ginpaguwa sang DBM sang Oktubre 3 ang P1.04 billion pesos nga nakatigana para sa pagbayad sa nabilin nga 55,211 nga wala nabayaran nga Special Risk Allowance ukon SRA sang kuwalipikado nga health care workers kag non-health care workers humalin sang Setyembre 2020 tubtub Hunyo 2021.

Angut sini, gin-umpisahan na sang Department of Health ang pag-proseso agud mapanghatag na ang P1.04 billion kag P11.5 billion nga ginpaguwa sang DBM para sa benepisyp sang mga health care workers.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles