ILOILO CITY- Posible nga magdeklarar sang outbreak sang Hand, Foot, and Mouth Disease ukon HFMD kon magtaas ang kaso sini sa nagkalain-lain nga rehiyon sa pungsod.
Ini ang ginpahayag ni infectious diseases expert Dr. Rontgene Solante.
Suno kay Solante nga nag-umpisa ang HFMD infections sa San Pascual Batangas kon sa diin may yara sang 105 ka mga kaso ang nadetect sa mga kabataan nga nagaedad 1 tubtub 16 anyos.
Sang bulan sang Nobyembre, may yara sang kapin 540 ka HFMD cases ang na-detect sa Albay nga nag-apekto sa mga kabataan nga naga-edad 1 tubtub 10 anyos kag sa amo man nga bulan, nalista amh 145 ka kaso sang balatian sa Ilocos Region nga kalabanan mga bata magaedad 11-anyos panubo.
Ginpahayag sang Department of Health nga may pagtaas sang kaso sang HFMD sa Metro Manila apang wala sang deklarasyon sang outbreak.
Samtang ginhatagan pagtamod ni Solante nga ang paghugas sang kamot ang pamaagi sang pagtapna sang HFMD.
