Magapadulong ang delegasyon sang Department of Migrant Workers (DWM) sa Saudi Arabia sa Disyembre 6 agud diskusyunan ang wage claims sang 10,000 ka mga Filipino workers (OFWs) nga madugay na nadulaan sang obra.
Ginpahayag ni Migrant Workers Secretary Susan Ople nga makigsapol siya kay Minister of Human Resource and Social Development Ahmad Al-Rahji agud diskusyunan ang natanyag nga trabaho sa Saudi.
Nagtanyag man si Saudi Prince Mohammed bin Salman sang compensation package nga two billion riyals para sa mga wala naswelduhan nga 10,000 ka mga OFWs sa ginhiwat nga bilateral meeting kay President Marcos sa sidelines sang Asia-Pacific Economic Cooperation sa Bangkok sang nagligad nga bulan.
Suno kay Ople may mga wala naswelduhan nga OFW’s nga nagatrabaho sa construction firms sa Saudi Arabia ng ana bankrupt sang tuig 2015 kag 2016.
Nalauman man sang department chief nga pagadiskusyunan ang detalye natuhoy sa offer sang Saudi Arabian government kaangay sang timetable para sa distribusyon sang pondo.
