Monday, September 26, 2022

Dennis Padilla, ginpanginwala ang mga pahayag ni Julia Barretto angot sa ila pamilya

- Advertisement -

ILOILO CITY — Ginpanindugan ni Dennis Padilla nga tunga sang kamatuoran lang ang nahibaluan sang iya anak nga si Julia Barretto kasunod sang mga pahayag sang aktres angot sa ila pamilya sa iya nga interview kay Karen Davila.

Sa amo nga interview, ginbuyagyag ni Barretto nga indi pa siya handa nga patawaron si Padilla bangud ginkapoy na ini sa ila cycle nga “making up and getting hurt.”

Dugang pa sang aktres nga nagakinahanglan gid siya sang fatherly love kag proteksyon nga wala niya nagakakuha nagikan sa aktor.

- Advertisement -

Ginsabat naman ini ni Padilla paagi sa serye sang mga post sa iya Instagram page subong nga adlaw, Setyembre 18.

Makita man nga ginkakas sang aktor ang iya mga posts apang madamo na nga screenshots ang na re-upload sa social media.

Gindumdom man ni Padilla ang mga tion nga nagasaylo-saylo sang sila sang balay — nga ginsambit man ni Barretto sa iya interview — kun sa diin iya ginpanindugan nga siya ang nagabayad sang mga galastuson kag para sa ila town house sadto.

- Advertisement -

Ginpost man sini ang litrato sang iya ginikanan kag gindumdom kun paano wala ginasambit nanday Julia, Claudia kag Leon ang ila lolo nga si late veteran actor Dencio Padilla sa ano man nga interview.

Nagpanawagan naman si Padilla kay Davila nga mangin “fair” kag mag-set man sang interview sa iya, bangud nga madamo sang sala sa nahibaluan ni Julia angot sa ila nga pamilya. Nagsabat naman si Davila nga nagpadala na siya sang private text message sa aktor.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,010SubscribersSubscribe

Latest Articles