DENR, maga-file sang kaso batok sa mga laboratoryo nga nagahaboy sang ila basura sa baybay

Ginpahayag sang Department of Environment and Natural Resources (DENR) nga ila ginakonsiderar nga magapasaka sang kaso batok sa mga laboratoryo nga nagahaboy sang ila higko sa higad sang baybay.

Suno kay DENR Undersecretary Jonas Leones, may nadakpan na sila nga laboratory nga nagahaboy sang lab wastes, healthcare waste sa baybay sa Catanduanes.

Ginahulat naman sa subong sang DENR ang paathag sang laboratoryo antes sila magpasaka sang kaso.

Mahibaluan nga sa 23 ka mga kabataan sa Virac, Catanduanes, 8 ang nag-positibo sa CoVid-19 matapos naghampang malapit sa lugar kun sa diin ginahaboy sang diagnostic lab ang ila hazardous wastes.