Monday, December 5, 2022

Dep-ed nagpanindugan nga magapadayon ang pagsulundan sa paghiwat sang face-to-face classes apesar sang bag-o nga COVID variant

- Advertisement -

ILOILO CITY-Ginpanindugan sang Department of Education ukon DEP-ED nga magapadayon ang polisiya sini natuhoy sa paghiwat na sang face-to-face classes sa pihak nga may natumod na nga bag-o nga COVID variant nga XBC kag subvariant XBB sa pungsod.

Suno kay Dep-ed spokesperson Michael Poa nga naga-pakig-angut ang ahensya sa Department of Health kag nagahulat sang dugang nga guidelines.

Sa idalum sang DepEd order, ang tana nga public schools ang dapat magsaylo na sa 5-days nga in person classes sumugod sa Nobyembre 2 samtang ang Private schools naman ang mahimo magpadayon sa pagpatuman sang blended learning ukon full distance learning tubtub sa katapusan sang school year.

- Advertisement -

Samtang ang mga public schools nga indi pa handa sa full in-person classes mahimo mag-apelar para sa exception agud magpadayon sang hybrid learning set-ups.

Ginsulit man sang DepEd ang pahanumdum sini sa mga estudyante kag mga school personnel nga padayunon ang pag-obserbar sang health protocols agud malikawan ang paglapta sang COVID-19 kasunod sang detection sang XBB kag XBC cases.

Suno sa DOH nga 81 ka kaso sang Omicron XBB subvariant ang nadetect sa Western Visayas kag Davao Region.

- Advertisement -

Ang XBB ang nagapanguna nga rason sang liwat nga pagtaas sang kaso sang COVID-19 sa Singapore suno sa DOH.

Ginkumpirmar man sini ang 193 ka kaso sang XBC nga kombinasyon sang delta kag BA.2 variants nga ginamonitor naman sang United Kingdom Health Security Agency.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles