Department of Agriculture, pabor nga ibaligya sa Kadiwa stores ang nakumpiskar nga mga smuggled nga kalamay

ILOILO CITY- Ginpahayag sang Department of Agriculture ukon DA nga ila pasugtan nga ibaligya sa Kadiwa stores ang nakumpiskar nga mga smuggled nga kalamay santu sa ginduso sang Sugar Regulatory Administration ukon SRA.

Suno kay DA deputy spokesperson Rex Estoperez nga ang 4,000 metric tons sang Thailand white refined sugar nga nakumpiskar sa Batangas wala na kinahanglan sang phytosanitary certificate kundi ang import permit lamang gikan sa SRA antis ini ibaligya sa Kadiwa rolling stores nga ginadumalahan sang DA.

Ginpahayag ni SRA Administrator David Alba nga iya i-rekomendar kay Presidente Bongbong Marcos Jr. nga ibaligya ang nasambit nga mga kalmay sa Kadiwa stores agud makabakal ang mga tawo sang kalamay sa barato nga presyo.