- Advertisement -
ILOILO CITY- Ginpahayag ni Senador Cynthia Villar nga madamo sang experto sa sektor sang agrikultura apang dapat ang magapamuno sa Department of Agriculture (DA) ang dapat may pag-ulikid sa mga mangunguma.
Ginhimo ni Villar ang pahayag bilang reaksyon sa pahayag ni Presidente Ferdinand Marcos Jr. nga ang masunod nga DA secretary ang dapat experto sa patag sang agrikultura.
Dugang ni Villar nga ang DA secretary nga may pag-ulikid sa mga mangunguma ang makabatu sa tentasyon sa mga indibidwal nga luyag impluwensyahan ang ila desisyon.
- Advertisement -
Samtang nagpamalibad naman si Villar sa pagrekomendar sang nagakadapat nga mangin tiglikom sang DA sa pagsiling nga indi siya luyag nga mabasulan pananglitan magpalpak ang iya ginrekomendar sa posisyon.
- Advertisement -
