Department of Health, wala gin-rekomendar ang istrikto nga border control matapos na detect ang panibag-o nga Omicron sublineages

Wala gin-rekomendar sang Department of Health ang istrikto nga border control matapos nadiskubrehan ang panibag-o nga Omicron sub-variants sa iban nga pungsod.

Ang Omicron BA.2.75 nga may posibilidad sang higher transmissibility kag immunity escape, ang na detect sa India, Estados Unidos kag iban pa nga pungsod suno sa World Health Organization. Nakarekord man sang omicron sub-variant BA.5.2.1 ang Shanghai City sa China.

Suno naman kay Health Undersecretary kag spokesperson Maria Rosario Vergeire nga ginakabig sang gobyerno nga ang balatian ang “continuously retaking” apang indi na mahimo nga magsirad pa sang border ang pungsod.

Kinahanglan lang suno kay Vergeire nga sundon sa gihapon ang public health standards.