ILOILO CITY- Ginatarget sang Department of Information and Communications Technology ukon DICT nga maglunsar sang masobra 15,000 ka free wifi sites sa 2023.
Suno sa palasyo sang Malakanyang, tuyo sang sin inga plano nga mapaayo ang digital infrastructure sang pungsod kag investment promotion kag subong pabaskugon ang ka-epektibo sang burukrasya.
Subongman, wala gintumod kon sa diin nga mga lugar igalunsar ang free wifi sites.
Suno sa DICT, naka-activate ini sang 4,757 ka live sites sa palibot sang pungsod sa idalum sang digitalization initiative sang gobyerno.
Dugang ini sa 606 ka munisipalidad kag mga siyudad nga nagpaidalum sa digitalization.
Naglunsar man ang DICT sang e-Gov Super App, ang pinakauna nga one-stop platform sang pungsod para sa local kag national government services nga magapalip-ot sa proseso kag transaksyon kag mapasiguro nga mangin mahapos ang pag-negosyo para sa mga Pilipino.
