Paga-imbestigahan sang Department of Justice (DOJ) ang natabo nga pagba-isay sang agents sang National Bureau of Investigation (NBI) kag katapo sang media kasunod sa operasyon batok sa iligal nga droga sa Roxas Boulevard, Pasay City, sadtong Marso 17 sang kaagahon.
Base sa report, nga gin-pwersa sang Task Force on Anti-Illegal Drugs sang NBI ang katapo sang media nga mag-pirma bilang witnesses sa drug buy-bust operations.
Nahibaluan nga base sa Comprehensive Dangerous Drugs Act of 2002, nagamando ini sa katapo sang media nga yara ang presensya sa actual anti-drug operation bilang witness.
Suno kay DOJ Secretary Jesus Crispin Remulla, nga dapat yara mismo sa raid ang katapo sang media agud mangin testigo, apang kun wala ang presensya sa operasyon, indi obligado ang mga ini nga magpirma.
Nahibaluan nga sang nag-abot sa lugar ang reporter sa diin ginhiwat ang operasyon sang NBI, nagahiwat na sang inventory ang mga operatiba, kag ini ang ginhambalan sang mga otoridad nga magpirma apang nagpamalibad ang reporter bangud rason sini nga wala sya sang natabo ang kabug-usan nga raid.
Samtang, nag-pangayo naman sang pasaylo ang NBI kag nagpasalig nga sundon sa gihapon ang standard operating procedures.
