ILOILO CITY- Ginpabugal sang Department of Interior and Local Government ukon DILG ang pagpadayon sang anti-drug operations sini nga nagresulta sa pagka-aresto sang linibo nga mga drug suspects sa sulod lamang sang halos apat ka bulan sang Marcos Administration.
Ini sa idalum sang programa nga “Buhay Ingatan, Droga’y Ayawan” ukon BIDA sang administrasyon ni Presidente Ferdinand “Bongbong” Marcos Jr.
Suno kay DILG Secretary Benhur Abalos Jr., ginkasa ang mga drug raid kag operasyon sang mga kapulisan kag iban pa nga drug enforcement Units sang BIDA samtang ginatutukan ang demand reduction kag rehabilitasyon sang mga nagagamit sang druga.
Dugang pa sin inga pagabuligan man sang BIDA ang mga nabuyo sa druga agud makapanibag-o sang kabuhi.
Una na nga ginpahayag ni Marcos nga pagahatagan sini sang igtalupangod ang prevention kag rehabilitation sang mga users, nga malayo sa maduguon nga giyera kontra droga ni anay Presidente Rodrigo Duterte nga ginpakamalaut sang Human Rights groups.
