Ginbasura sang Supreme Court ang kanselasyon sang certificate of candidacy kag disqualification cases nga gin-file batok kay President-elect Bongbong MarcoS.
Nahibaluan nga 13-0 ang nagboto-pabor nga i-basura ang mga kaso kag may duha naman ka hukom ang wala naka-partisipar.
Wala naman nag-pagwa sang dugang nga detalye ang public information office sang Korte Suprema apang ang dismissal suno sa high court ang naka-base sa mga merito sa tanan nga mga isyu nga nasolbar kag indi lamang nakabase sa mootness.
Samtang, ang duha naman ka hukom nga wala sang partisipasyon amo sanday Justice Antonio Kho kag Justice Henri Jean Paul Inting.
Ginpahayag nga nag-inhibit si Kho bangud nag-partisipar ini sa pag-resolbar sang mga petisyon sang yara pa mga ini sa Commission on Elections. Nahibaluan nga si Kho ang anay COMELEC Commissioner.
Samtang, si Inting ang wala naman nagpakigbahin bangud ang utod nya nga si COMELEC Commissioner Soccoro Inting ang imbolbado man sa pag-resolbar sang nasambit nga mga petisyon.
