Nagatuyo ang Department of Migrant Workers (DMW) nga mapataas ang numero sang overseas Filipino workers sini nga tuig 2023.
Ginpahayag ni Secretary Susan “Toots” Ople nga isa sa mga magapanguna nga katuyuan subong nga tuig amo nga mapadamo ang deployment sang OFW.
Humalin sang bulan sang Hulyo tubtob Nobyembre, 2022, nakadeploy ang 486,673 ka OFW sa diin 352,911 ang land-based kag 219,869 naman ang sea-based.
Dugang pa niya, may pila man ka mga emerging markets kag may pending nga imbitasyon para sa bilateral labor talks sa Romania, Hungary kag Portugal.
Nakigsapol man si Ople kay Minister Chris Sun, sang Minister of Labor and Welfare sang Hong Kong natuhoy sa posibilidad sang exploratory talks sa deployment sang Filipino caregivers sa Hong Kong.
