ILOILO CITY- Ginpahayag sang Department of National Defense ukon DND nga iga-prioritize ni Secretary Carlito Galvez Jr. ang pagpabilin sang mabakod nga koordinasyon sa Armed Forces of the Philippines ukon AFP sa tunga sang nagaluntad nga gamo sa sulod sang organisasyon.
Suno sa DND naghiwat sang hinun-anon si Galvez sa mga tropa sa Army headquarters sa Fort Bonifacio sang Miyerkules.
Iya ginhingyo sa tanan nga uniformed personnel nga atipanon ang mga tinawo, resources kag ang AFP kag subong man, ipabilin ang integridad sang organisasyon.
Una diri, ginpahayag ni Galvez nga ginatuyo niya nga resolbahon ang ginapahayag gamo sa sulod sang AFP angut sa Republic Act 11709 nga nagahatag sang three-year nga fixed term sa mga key AFP officials lakip na sa Chief of staff.
