ILOILO CITY- Kinahanglan nga mapalawig ang state of Calamity sa COVID-19 para mapadayon ang pandemic response sa pungsod suno sa Department of Health.
Ginpahayag ni DOH Officer-in-charge Maria Rosario Vergeire nga magapangayo sila sang extension sang state of Calamity sang indi magnubo sa isa ukon duha ka bulan, kon indi pa mangin kasuguan ang Center or Disease Control ukon CDC bill antis matapos ang tuig.
Subongman, pananglitan mangin kasuguan na ang CDC Bill, indi na kinahanglan ang pagpalawig sang state of calamity.
Una nan ga nagpahayag ang Private Hospital Association of the Philippines Inc mga may pagkinahanglan nga palawigon ang state of calamity bisan tubtub sa first quarter sang 2023.
Nahibaluan nga kutob Disyembre 31, 2022 na lamang ang state of calamity sang COVID-19 pandemic sang ginpalawig ini ni Presidente Ferdinand Marcos Jr.
