ILOILO CITY — Gin-indict sang Department of Justice (DOJ) ang pito ka miyembro sang Tau Gamma Phi fraternity sa ginapahayag hazing death ni Adamson student John Matthew Salilig.
Suno sa DOJ, nakitaan sang probable cause sang prosecutors nga i-indict sanday Earl Romero (Slaughter), grand triskelion Tung Cheng Teng Jr. (Nike), Jerome Ochoco Balot (Allie), Sandro Victorino (Loki), Michael Ricalde (Alcazar), Mark Muñoz Pedrosa (Makoy), kag master initiator Daniel Perry (Sting) sa pagbayolar sang Anti-Hazing Law of 2018.
Dugang pa sang ahensya nga duha ka separado nga criminal information sa pagbayolar sang Anti-Hazing Act ang ipasaka pa sa Biñan City Regional Trial Court.
Madumduman nga nasapwan ang bangkay sang 24-anyos nga si Salilig sa Imus, Cavite sadtong Pebrero 28, 10 ka adlaw matapos nga gin-report ini nga missing.
Ang kaso ang ginsumiter para sa resolusyon sang nagligad nga Biyernes.
Suno pa sa DOJ nga ginpahayag sang panel nga tanan nga respondents ang nagplano kag nagpartisipar sa hazing nanday Salilig, neophyte kag complainant man nga si Roi Dela Cruz, kag duha ka iban pa.
Dugang pa nga na-establisyar sang mga tagreklamo nga ang pilas ni Salilig ang nangin rason sang iya kamatayon.
Samtang, ang duha ka separado nga kaso ang gin-file ni John Michael Salilig kag ni Dela Cruz kag ni Alexander Marcelo kag Earl Abuda ang wala pa mahatag sa prosecutors.
Nahibaluan nga ang kaso nga ginpasaka nanday Dela Cruz kag utod ni Salilig ang batok kanday Mark Rama (Ji), Levi Gianan (Sakmal), Arjay Camangyan (Snoop), Arjay Arao (Vash/Bash) Christian Mercado (Void), Lester Sus (Biggie), Carlos Rovillos (Bishop), Earl Ursolino (Thugs), Aron Cruz (Bones), Ralph Tan (Scottie), Armando Hernandez Jr. (Tyler) kag a certain “Mc Gregor.”
Samtang, ang isa pa kaso ang gin-file naman batok kanday Romero, Balot, Victorino, Pedrosa, Perry, Hernandez, Gianan, Rama, Camangyan, Arao, Mercado, Sus, Ursolino, Cruz, Tan, Michael Ritalde (Lambert), Carlos Rovillos (Bishop), kag “Mc Gregor.”
