ILOILO CITY — Ginsuhestyon sang Department of Transportation (DOTr) ang pila ka discount sa plete sang mga pampubliko nga transportasyon kaangay sang jeep, busm kag UV Express – apang temporaryo lang ini kabaylo sang pagkakas sang “Libreng Sakay” sa EDSA Carousel.
Sandig sa report, ginapahayag nga base ini sa memorandum sang DOTr sa Land Transportation Franchising ang Regulatory Board.
“Pre-pandemic fare matrix will be applied and the provisional fare increases implemented will be covered accordingly by the government,” suno kay Transport Secretary Jaime Bautista sa memo nga ginsumiter kay LTFRB chairperson Teofilo Guadiz III.
Plano nga panubuan sa P9 ang minimum nga plete halin sa P12 sa karon sa mga tradisyunal nga jeep, samtang plano naman nga panubuan sa P11 ang P14 minimum sa mga modern minibus.
Ginalantaw man karon ang P3 tubtob P4 nga discount sa mga bus samtang ginatun-an pa ang discount fare sa mga UV Express.
Ini ang posible matabo samtang pending sa gihapon ang posible nga pag-phaseout sang mga tradisyunal nga jeepney kag UV Express matapos ang Disyembre 2023.
Suno kay Transport Undersecretary Mark Steven Pastor, ikonsiderar diri amu ang mga ruta sa bug-os nga pungsod nga may madamo nga pasahero.
Sa karon, nagakakita nga untaton ini kun maubos na ang P2 billion nga pondo para kuntani sa service contracting program sang LTFRB para sa 2023.
Wala pa sang husto nga petsa kun san-o ipatuman ang amu nga discounted fares.
