Ginbasura sang COMELEC 1st Division ang 3 ka consolidated disqualification petitions batok kay presidential aspirant Bongbong Marcos, suno kay COMELEC Commissioner Aimee Ferolino sa diin ila ini ginbotohan ni Commissioner Marlon Casquejo.
Mahibaluan nga nag-umpisa ang mga petisyon sa 1995 tax evasion conviction batok sa anay Senador, nga ginfile sang pila ka martial law survivors kaanya ni Bonifacio Ilagan, Akbayan party-list, kag Abubakar Mangelen.
Nakasentro man ang petisyon sa kapaslawan ni Marcos nga magbayad sang income tax kag mag-file sang tax returns samtang yara sa public office sadtong tuig 1982 tubtob 1985.
Samtang, ginhatagan-pagtamud naman ni Ferolino sa 40-page resolution nga wala sang perpetual disqualification in holding public office ang conviction batok kay Marcos may kaangtanan sa indi pag-file sang income tax returns sa nasambit nga tinuig.
Na promulgate naman ang resolusyon antes mag-alas 5:00 sang hapon sini nga adlaw.
