Pabor si Social Welfare and Development Secretary Erwin Tulfo nga i-review ang Pantawid Pamilyang Pilipino Program (4Ps) Law.
Sa ginpatigayon nga Senate finance committee hearing sang ₱194.63 billion nga proposed budget sang DSWD para sa tuig 2023, ginkwestiyon ni Senator Imee Marcos kun epektibo ang conditional cash transfer program sa pagtapna sang kapigaduhon.
Suno kay Marcos, naggasto ang gobyerno sang kapin ₱900 billion para sa 4Ps program humalin tuig 2007 apang 97,000 ang nakatibawas sa kapigaduhon.
Ginpahayag man ni Sen. Tulfo nga ang desisyon natuhoy sa programa ang magadepende sa mga mamalidha.
Samtang, nauna na nga nagfile si Senador Risa Hontiveros sang resolusyon nga may tinutuyo nga magpatawag sang joint congressional oversight committee agud tun-an ang mga kinahanglanon para sa padayon nga pag-implementar sang 4Ps Law.
