ILOILO CITY- Nag-apelar ang Department of Trade and Industry ukon DTI sa mga manufacturers nga hagan-haganon lang ang ipatuman nga saka sa presyo sang Noche Buena products.
Ini matapos 195 sa 223 ka mga noche Buena items ang nagpasaka sang presyo halin sa 10% tubtub 27%.
Suno kay DTI Undersecretary Ruth Castelo nga wala sang control ang DTI sa presyo sang mga noche Buena products kag ang mahimo lamang nila amo ang pag-apelar sa mga manufacturers nga indi pagpatam-an ang pagpasaka sang presyo sang ila mga produkto.
Dugang ni Castelo nga iya natalupangdan nga daku ang gintaas sang presyo subong nga tuig bangud man sa mataas nga presyo sang raw materials.
Kalakip sa Noche Buena items nga may pagsaka sang presyo amo ang ham, fruit cocktail, cheese, mayonnaise, pasta kag spaghetti sauce.
