Nakarekord sang dugang nga 79 ka panibag-o nga kaso sang Omicron sub-variants ang Department of Health sa pungsod Pilipinas.
60 cases sang Omicron BA.5 ang narekord; 17 cases sa BA2.12.1; kag duha naman sa BA.4 base sa latest whole genome sequencing nga gin-patigayon sadtong Hulyo 7 tubtob Hulyo 11.
Suno naman kay DOH Undersecretary Maria Rosario Vergeire, nagdangat na sa kabug-usan nga 293 ang BA.5 cases; 87 naman sa BA.2.12.1 cases; kag 12 sa BA.4 cases.
Sa 60 new cases sang BA.5, 58 ang gikan sa Western Visayas kag isa naman sa Davao region kag Soccksargen.
Sa 17 new cases naman sang BA2.12.1, anum diri ang gikan sa Western Visayas, 10 ang gikan sa Davao kag isa naman ang returning Filipino.
Kag sa duha naman ka BA.4 cases, isa ang gikan sa Davao region kag isa naman sa Soccksargen.
Sa karun, ginatumod pa sang DOH kun sin-o ang mga nakasalamuha sang mga pasyente kag ang ila travel history.
