ILOILO CITY- Magapahamtang sang dugang nga “Kadiwa” stores sa bilog nga pungsod ang gobyerno agud madamo nga Filipino ang makaangkon sang access sa mas barato nga agri-fishery products sa tunga sang padayon nga pagtaas sang presyo sang mga balaklon.
Ini nga mga tindahan nagabaligya sang ulutanon kag iban pa nga mga produkto agrikultural sa mas manubo nga presyo bangud ang gobyerno ang naga-abaga sang transporation costs kag iban pa nga mga kagastuhanan.
Sa bulig sang Department of Agriculture, 14 ka mga Kadiwa stores ang ginbuksan sini nga Miyerkules kon sa diin 11 ka outlets nahamtang sa Metro Manila, kag tag-isa sa Tacloban, Davao de oro kag Koronadal City, South Cotabato.
Ang Kadiwa ng Pasko ang magahatag ligwa sa mga mangunguma kag mangingisda sa pagbaligya sang ila produkto direkta sa gobyerno agud mabakal sang mga pumuluyo sang mas barato nga presyo.
