Liwat nga nakarekord ang Department of Health sang panibag-o nga kaso sang Omicron sub-variants BA.5, BA.2.12.1, kag BA.4.
Suno kay DOH Undersecretary Maria Rosario Vergeire, 50 ka dugang nga persona ang nag-positibo sa BA.5; 11 sa BA.2.12.1; kag duha naman sa BA.4.
Sa 50 BA.5 cases, 38 ang gikan sa Region 6; lima ang gikan sa Metro Manila; pito ang returning overseas Filipinos (ROFs). Bangud sini, nagdangat na sa 93 ang kabug-usan nga kaso sang BA.5 sa pungsod Pilipinas.
Samtang, sa 11 new BA.2.12.1 cases, pito ang gikan sa Region 6; apat ang ROFs, nga nagdala sang 43 ka BA.2.12.2 cases sa pungsod.
Sa duha naman ka panibag-o nga kaso sang BA.4 patients, isa ang gikan sa Region 6 kag isa man ang ROF sa diin tatlo na ang kabug-usan nga kaso sang nasambit nga sub-variant.
