ILOILO CITY — Gin-release na gikan sa kustodiya sang pulis si Hannah Mae Oray, ang sekretarya ni Negros Oriental Rep. Arnolfo Teves Jr. sang Miyerkules, Marso 15, matapos nga napamatud-an sang Department of Justice (DOJ) nga wala sang ebidensya nga maka-angot sa iya sa mga nakumpiskar nga mga armas kag explosives sa mga propiedad sang mamalidha sa probinsya.
Gin-release man si Jose Pablo Gimarangan.
Nahibaluan nga ginkasuhan ang mga ini matapos ang ginpatigayon nga mga raid sa Bayawan City kag Basay sa Negros Oriental sang Marso 10.
Lakip sa mga ginkasuhan amu sanday Oray, Heracleo Oray, Rodolfo Maturan, kag Joseph Maturan. S
Kasubong man nga kaso ang ginpasaka kanday Gimarangan kag Roland Pablio.
Ang iban nga mga respondents nga may separado nga kaso ang nagapabilin sa kustodiya sang pulis.
