Na cite in contempt ang duha ka pulis nga nagtambong sa hearing sang Senate Committee on Public Order and Dangerous Drugs.
Suno kay Senator Raffy Tulfo, pila ka beses nga wala nagsugid sang matuod ang duha ka pulis rason nga nag-mosyon sya para ma-cite in contempt sanday Police Senior Master Sergeant Jerrywin Rebosora kag Police Master Sergeant Lorenzo Catarata kag mapreso sa detention cell sang Senado.
Nahibaluan nga may angot ini sa imbestigasyon sang komite sa pagka-aresto kay Police Master Sgt. Rodolfo Mayo Jr, isa ka pulis nga anti-drug operative nga nadakop sa Tondo, Manila sadtong Oktubre tuig 2022 sa isa ka drug operation.
Ginpahayag man sang PNP nga nadiskubrehan nila nga kulang ang narekober nga iligal nga droga. Suno pa kay Police Major General Eliseo Cruz, PNP Director for Investigation and Detective Management, nga amo man ang head sang Special Investigation Task Group, lakip sanday Catarata kag Rebosora sa nag-operate sa Tondo, Manila.
May nakuha man nga CCTV footage nga nagahatag sang circumstantial evidence nga may tatlo ka pulis nga mahimo nagbuhin sa droga nga nakuha kay Mayo.
